Firma de convenio entre Nordés e a UDC

O día 17 de abril firmamos un convenio coa Universidade da Coruña (UDC) a través do cal continuamos fomentando a competitividade das empresas, defendendo os intereses comúns do tecido empresarial e directivo e promovendo as relacións do devandito ecosistema no ámbito rexional, nacional e internacional. 

Julio Abalde Alonso, reitor da Univerdade da Coruña, UDC, e o presidente de Nordés Club Empresarial, Carlos López Navaza, asinaron o documento co que se formalizou esta colaboración que de seguro traerá beneficios para ambas entidades. 

OBXECTO DO CONVENIO 

1. Promover os contactos entre ambas as entidades,  tanto no exterior como no interior de Galicia, así como a nivel internacional co resto de entidades con quen teñan relación, co obxecto de favorecer o intercambio de información económica e empresarial. 
2. Xerar posibilidades de colaboración entre ambas as entidades. 
3. Facilitar a UDC o acceso a Nordés Club Empresarial á utilización das súas instalacións para a organización de eventos definidos e a participación recíproca nas actividades programadas. 
4. E cantas outras actividades puideren redundar no aumento e mellora de sinerxías e a consecución dos obxectivos e intereses comúns do tecido empresarial de Galicia e a súa área de influencia. 

COMPROMISOS MUTUOS 

1. Ambas as partes difundirán o acordo subscrito con indicación das oportunidades e vantaxes xurdidas coa súa sinatura. 
2. Ambas as partes colaborarán activamente na difusión de información de interese dos seus ámbitos de influencia, facéndoa chegar ás outras partes polos medios que se acorden e comprometéndose a ampliala na medida en que lles sexa posible. 
3. Ambas as partes convidarán ao representante institucional que corresponda aos actos e eventos que organicen e ambas as entidades. divulgarán estes entre os seus membros para que valoren a posibilidade de se inscribir ou participar. 
4. Ambas as organizacións informarán daquelas oportunidades concretas que puidesen presentarse na súa zona de influencia, que por sectores de actividade ou materias puidesen resultar de interese para a outra. 

Se precisas máis información, contacta coa nosa directora a través do correo electrónico direccion@nordesclubempresarial.gal